Mestreechs Heukske
Requiem vaan Mestreech Gesjreve door Jef Franssen
Mie daan hoonderd viefteg jaor geleie woort
'ne aonvaank gemaak 'n zier aw, rieke stad aof te breeke
Te wienege wouwe of kóste häör besjerme
Te wienege wouwe ziech euver häör oontferme
Te wienege waore mèt häör begoon
Te wienege wouwe neve häör stoon
Niemes wouw häöre sjriew um hölp hure
Niemes heet häör ech gekind
Niemes heel häör nog euverind
Niemes heet naor häör umgekeke
Noe mie daan hoonderd viefteg jaor later is die aw, rieke stad
aon d'n aofbreek-colère bezweeke
Häör lèste aw riekdom vaan de stein
en häör lèste aw riekdom aon handwerk
weurt in deze tied begraove
De vraak vaan de Wereld vaan de Machte
liet daan ouch neet mie lang op ziech wachte
De mins vaan noe oondergeit 't zelfde lot es dat
wat heer d'n awwe stein en aajd handwerk heet misdoon
Zoe, zoeväöl pijn gedoon
De allergroetste vraak vaan Mach Zelfstandegheid zal de
mins vaan die zier gesjende stad in de groetste fèlheid
in deze tied oondergoon
't Aller, aller kleinste bieske gief häöm trök
wat heer die aw mishandelde stad heet aongedoon
© Jef Franssen 2018