'n Groete, zwoer iezere deur weurt door 'n "Machtege Hand" touwgedoon
In 't stedsje en ouch in eder riek vaan keuning democratie
weurt door 't slete vaan die deur alle leech oetgedoon
De weeg nao duusternis goon dee keuning en z'n knechte insloon
Edere Mathematische Wèt is in 't riek vaan keuning democratie aofgezwore
In dat land heet edere denende ziel mins ummertouw verlore
Dee keuning leep altied 'ne valse weeg
De "zuchte" waore veur dee keuning en zien knechte wie 'ne zoondvlood
Ummertouw droge zie d'n allerhoegste hood
De mach op dees planeet woort allein tösse hun verloot
't Is de "Aleinege Almach" die neet mie zweeg
Door die oordeilende "Machtege Hand" kin keuning democratie
ziech neet mie langer op dees planeet ophawwe
Lang genóg heet heer dao hoesgehawwe
'n Klein, slouw, doortrap volk verluis same mèt dee keuning edere mach
In al hun oetgevoonde wètte woort Ierlekheid gesjrap
De "Aleinege Wèt" woort door dat slouw volk duujelek vertrap
Hunne deure mantel, bedèkkend al die leuges, toende ummertouw valse prach
Hun groetste mach, mach geld, zien ze astrein veur altied kwiet
D'n tied vaan deen oondergaank is neet mie wied
De Mathematische Wereld heet zien oordeil euver de minse-wereld geveld
Geveld mèt versjrikkelek väöl geweld
Dat wat de mins de naoste, plant bies en stein, heet aongedoon
zal mèt groet geweld nao häöm trök sloon
Dèks gesjreve dèks verwoord
Ouch d'n euvergebleeve mins heet veur altied de hiersjappij euver dees planeet verloore
Meh d'r geit 'ne nuije, denende mins opstoon
De naoste, plant bies en stein, leefhöbbend wie ziechzelf
Bouwend, wèrkend aon 'n gans nuij bestoon
De wereld vaan de mins zal nao 'ne aandere tied euvergoon