Iewe laank heet de Mestrechteneer door zien handwerk sjoenegheid kinne maake
Meh de Mestreechteneer vaan noe hèlt ziech bezig mèt gans aander zaake
Nao handwerk en industrie weurt in 't stedsje allang neet mie gezoch
'ne Tied geleie höbbe ze dat al verkoch
Mèt traone in mien ouge kiek iech in 't Mestreech vaan noe roond
't Stedsje is doed... en doed kraank
Al hiel lang neet mie gezoond
Al hiel lang löp zie maank
Allein de bestuurders en hun vrun veule ziech zeker vaan hun zaak
Die väöle wètte, regels en laste deege de mèt zien han wèrkende mins wegvaage
Veur de Sjoenegheid vaan Aajd Mestreech hat 't lèste oor geslaage
Boemèt is 't zoe wied gekoume
dat veer de sjoenegheid vaan handwerk ginge oetverkoupe
Wat is Mestreech euverkoume
De mins zal 't neet wèlle begriepe
Meh 't verdwijne vaan die sjoenegheid is allein aon häöm te wiete
Gedrök geld hèlt alles noe nog 'n bitsje euverind
Meh ouch dao-aon keump zoe astrein 'n ind
Es Mach Sjoenegheid aofsjeid heet genoome
weurt de mins veur lange tied eedere riekdom aofgenoome
Niemes kin dao gèt teege doen
De mins oontvingk z'n verdeende loen
