De evenredigheid vaan Ziene Wèl moot passe aon d'n tied
Tied is evenredig aon Ziene Wèl
De hegemonie euver 't mónnumint D'n Tied
is eveneins door Slevenier gesjreeve
In D'n Tied drejjt de noe bestaonde klok tied neet mie door
Op die sjöpping zal die klok veur altied stèl blieve stoon
en noets mie wijer goon
In D'n Tied is 't "Zijn", altied
Veur edere vas-staonde sjöpping 't fóndemint
In D'n Tied heers
Mach Vrijheid, Mach Sjoenegheid, Mach Zelfstandegheid
Is rös, vrei en contentegheid ummertouw aon eder z'n zij
Is 't Doen hielemaol in ballans mèt de beweging
Neet geboonde aon de noe bestaonde tied
Dat Doen gief aon 't gehiel nog groetere glans
Is alles vaan die sjöpping vas-staond
Veur altied bestaond
Veurtsjreidende tied liet ontstoon
en liet ummertouw ouch weer vergoon
In veurtsjreidende tied is altied de traon en de pijn
Drejjt die klok tied oonbermechteg door
In edere gesjaope wereld
vaan 't minsekeend zien twie ringe tied
Aon veurtsjreidende tied geboonde
Allebei
De Aleinege Wèt moot in ein vaan die twie ring weure gevoonde
In 't middelpunt is de door Slevenier gesjreeve Wèt "Het Elkander"
Zier väöle leevens zien gegeeve um de ziel te laote vinde
't alles beslissende etikèt, De Wèt
't Momint vaan "Vergelding" op dees Eerd
toent 't sleete vaan d'n ierste rink
Mèt zwoer, wied dragende gebäörtenisse
Mèt noets en nimmer getoende geliekenis
D'n ierste rink tied weurt aofgeslote
't Begin vaan d'n twiede rink
Veur de mins op dees Eerd d'n alles beslissende
D'n ierste rink tied, 'ne groete ruime cirkel
mèt väöl speulruimte veur plant bies stein en mins
D'n aofstand nao 't middelpunt, 'ne lange aof te lègke weeg
D'n twiede rink tied, 'ne zier kleine beslote cirkel
D'n aofstand nao 't middelpunt, 'ne zier korte aof te lègke weeg
'ne Rink mèt gein inkele speulruimte
In veurtsjreidende tied zier begrens
't Is de wereld vaan de Machte dee 't moote vinde vaan de Wèt
ouch op dee weeg neet verzwijg
Allein de mins zal door d'n twiede rink tied moote goon
Plant bies en stein zalle dee weeg mage euversloon
De wèl vaan de zoe metein euvergebleeve mins moot passe
aon D'n Tied vaan Ziene Wèl
Aon elke Mathematische Wèt moot in groetsheid weure voldoon
Vind "De Wèt" en D'n Tied is vaan diech
altied aon diene kant
Neet gevoonde
d'n plaots in D'n Tied veur altied vakant
Vasgeboonde op 'n aander eerd aon veurtsjreidende tied
Veur altied
