Mestreechs Heukske



Minserechte

Gezeen

Gesjreve door Jef Franssen

Toen Slevenier de wereld vaan 't minsekeend heet gesjaope
heet Heer besloote
plant bies stein en mins kinne elkaars Rechte in fierheid gebruke
Noets misbruke

Meh de mins is d'r vas vaan euvertuig
Op dees planeet bezit heer allein alle Rechte
Ziene naoste, plant bies en stein, zien knechte
Niemes dee dao nog euver luig

De Rechte vaan plant bies en stein, euze naoste, höbbe veer ingenoome
Hun zelfstandigheid en vrijheid aofgenoome
Alles vaan hun leeg gestoole
Door eus, höbbe zie alles verloore

Teege de dwingende wèl vaan de mins kóste zie ziech neet verweere
Veer kóste hun Rechte oet veege

De mins heet in al zien leevens noets wèlle zien
plant bies stein en mins höbbe dezelfde gelieke Rechte
Door al zien bedachte geloove
wouw heer altied drinke dee verkierde dee valse wien

Plant bies en stein höbbe altied aon eedere naoste wèlle geeve
De Wèt is bei hun gebleeve
Mach Mathematica gief hun noe eeder elk Rech
Zie hoove d'r noets mie veur te vechte

Plant bies en stein zalle noets mie in de kaw stoon
Laankzaam meh zeeker zalle zie nao d'n echte Tied goon

Gein inkel gesjaopene kin oets teege Mathematische Wètte verstoete
Eedere mins moot dao dalek flink veur boete
Plant bies en stein weure vaan de heersjappij mins verlos
Eedere riekdom goon zie kriege

Oet aw gesjrifte zal ummertouw blieke
Plant bies stein en mins zien elkaars gelieke

Groete wraak steit de mins zoe astrein te wachte
Wraak oet de wereld vaan de Machte

<<   Trök nao d’n Inhaajd

© Jef Franssen 2013
HomeSouvenir ShopNew ArrivalsRLE ictMailboxEnglish SectionGreeting CardsDutch SectionSitemapDonations