Mestreechs Heukske
De Lach
en de Traon
Gesjreve door Jef Franssen
De lach is in us leeve dèks aon us zij
Meh toch, veer zien noets ech blij
Dèks toene veer 'n lachend geziech
dinke, zoe kriege veer toch 't mieste gewiech
Meh de lach is 'n gevierlek instrumint
Dèks is 't de handlanger vaan de leuge
en wèlt daovaan geneete mèt volle teuge
'n Lachend geziech kin väöl verberge
't Is daan 'n verkierd, vals medicijn
ouch al dinke veer, 't deit toch niemes pijn
De Echte Lach en De Echte Traon höbbe hiel väöl gemein
Zie laote zien 't echte plezeer en de echte pijn
De Echte Traon is miestal al lang in us opgesloote
ligk op 'n woonder te hoope
Ouch al dinkste, dat is oetgesloote
De Echte Lach keump altied gehiel oonverwach
en is veur us allemaol 'n groete krach
Niemes betaold 't gelag
© Jef Franssen 2014