Mestreechs Heukske



Kinderarbeid

Gezeen door 'ne observeerder

Gesjreve en geïllustreerd door Jef Franssen

De mins bouwde en bouwde väöle rieke

Toen bouwde heer 'n imposant, 'n groet riek
Veur dat riek kós niemes oetwieke

Vaan de mach vaan 't riek "Oonderwies" steit eederein verstèld
Dat riek heet väöl lui versjäörd
Niemes heet 't oets vertèld
Meh väöl is wel gebäörd

De mins waor nog mer zjus geboore
Of ze brachte häöm metein nao sjaol
Eeder plezeer woort daor gaw genoome
Geboore waor 'n groete vreiselekke kwaol

De kwaol vaan uniformiteit
Verdweene eedere vurm vaan zelfstandigheid
Die kwaol kin alles verklaore
Veur eeder joonk keend 'n duujelek kleid
Die kwaol zal nog altied väöl vermaore

De mins had 't neet in de gaate
Meh noe had heer mèt de echte kinderarbeid te maake

D'n oonderwijzer kreeg eedere elke mach
Mèt dien han wèrke dat ging boete alle pèrke
Heer mós liere schrieve, daan moch heer blieve
De vrijheid en 't plezeer vaan de jonge mins woort gans verkrach

Kinderarbeid is noe in alle force geboore
De jonge mins is daan ouch hielemaol verloore
Dat imposante riek heet alles en eederein ingenoome

Heer mós nao sjaol um te liere
Niemes kós dat tij kiere

De mins vaan noe is hielemaol vergeete
wat is noe, 't echte weete

Heet heer dat wel oets geweete


<<   Trök nao d’n Inhaajd
© Jef Franssen 2012
HomeSouvenir ShopNew ArrivalsRLE ictMailboxEnglish SectionGreeting CardsDutch SectionSitemapDonations