D'r is gespanne 'n laank dun kaord euver 'n deep zwart ravijn
Val dao-in en de deis diech duujeleke pijn
In die deepte ligke väöle "zuchten" nao diech te loonke
Um de euverzij te hoole
heet Slevenier diech väöle leevens gesjoonke
De ballansstek in d'n han, 'n hölp, is d'n geweete
Nao elk leeve deit Slevenier dee stek meete
Is heer korter of is heer laank gebleeve?
Allein Slevenier zal 't weete
Korter, d'n geweete bekans verloore
daan is al 'n duvelke in diech geboore
Dat duvelke heet mer ein gedachte
en kin lang, hiel lang op diech wachte
De "zuchten", de kós neet mie zoonder
daan vèlste nao oonder
Aon de leuge höbste diech euvergegeeve
D'n geweete is daan neet mie bij diech gebleeve
De euverzij neet gehaold
De hads te väöl kwaole
D'n "zuchten" höbbe diech fien gemaole
Slevenier gief diech daan noets mie, gein inkel jaor
"Goddelek Rech" kin neet verjaore
Is dee ballansstek laank gebleeve
daan geis te weete,
de kins de euverzij hoole
