Mestreechs Heukske

Verhäölkes en Gediechskes
in Mestreechter taol



Verloore glorie
Gesjreve en geïllustreerd door Jef Franssen


In mien jäög kaom iech häöm dèks teege
De govie vaan bei us neeve

Heer waakte gans allein euver ederein zien mijn en dijn
En kreegste 't mèt häöm aon de stek
Daan voonste noch meh lesteg un gooj plek

Heer zaog en veulde de lui hun plezeer en verdreet
Al die femilies kós heer vaan grameer tot keend
Niemes hoofde veur häöm te beeve
Ouch neet veur hiel eeve
Heer toende geine euverdreeve mood
Droog noets unnen hoege hood

Allein in de precessie zaog de mins zien ganse waopeprach
Dee blinkende sabel toende zien mach
Ederein, ouch Slevenier keek mèt väöl oontzag

Deen awwe govie is noe oet us straotbeeld verdweene
Niks höbbe veer daor veur trök gekreege

Veer doen häöm allemaol hiel erg misse
Allein ziene naom kós niemes oetwisse

Ouch dee vergeete govie is un deil vaan Aajd Mestreech
Verloore glorie

<<   Trök nao d’n Inhaajd


© Jef Franssen 2012
HomeSouvenir ShopNew ArrivalsRLE ictMailboxEnglish SectionGreeting CardsDutch SectionSitemapDonations