Mestreechs Heukske



D'n Dinosaurus

'n Déjà Vu

Gesjreve door Jef Franssen

Un paar miljoen jaor geleie leefde hei 'n verdomp giftig bies
Dat giftige bies heel vaan geine
Plant en stein stoonte mèt traone te kieke
Dat bies wouw veur niemes wieke

Oet die historie vaan un paar miljoen jaor geleie kós de mins liere
Elk gesjaopene moot elke, eedere naoste veriere

Meh toch höbbe veer noets wèlle begriepe
Plant bies en stein zien euze gelieke

Väöl geloove heet de mins bedach
De naoste betaolde ummertouw 't gelag

D'r is mer ein Wèt: de zals eedere elke naoste beminne
Kinste noch zoeväöl geloove verzinne

Dat giftige bies heet de Wèt noets gevoonde
Daorum heet Slevenier toen dat giftig bies vaan dees planeet genoome
'n Nuij deenend bies woort geboore

In dee lange minse historie
höbbe veer aon plant bies en stein noets wèlle geeve eenige glorie

Väöl hiel väöl is door us op dees planeet vermassekreerd
De Wèt höbbe veer allemaol in fèlheid vaan us aof geweerd
Zoeväöl tied heet de mins d'r neet veur nudeg gehad
Zien mach heet häöm gaw in 't vootspoor vaan dat giftige bies gebrach

't Ind vaan de weeg dinosaurus höbbe veer zien gebäöre
't Ind vaan de weeg mins is noe bekind toen heer de Wèt
wouw verschäöre

<<   Trök nao d’n Inhaajd

© Jef Franssen 2013
HomeSouvenir ShopNew ArrivalsRLE ictMailboxEnglish SectionGreeting CardsDutch SectionSitemapDonations