In 't land vaan democratie is vrijheid hiel groet gesjreeve
Ontelbare wètte en regels heet die vrijheid gebrach
Vaan de huidige mins had iech ouch neet aanders verwach
Bij al die wètte en regels is 't neet gebleeve
De leuge woort in al die wètte en regels stiekem verweeve
Ierlekheid verach
Keuning democratie heet ziech alle rechte verworve
Zie besteit oet: U zult, U dient en U moet
Allein veur zien knechte kin dat gein koet
Echte vrijheid is daodoor gestorve
In 't land vaan democratie is alles dwinge en gehoerzame
Niks deit de mins same
'n Vals "ziech veileg wane"
Aon de naoste heet keuning democratie gein ougenblik gedach
Al die wette en regels verstevigde zien mach
De priester in de mins is ziene knech
Echte vrijheid goejde heer weg
Vrijheid, 'n groete Mach
Veur elk, eder gesjaopene vaan beslissend gezag
In echte vrijheid weurt gein inkele wet gesjreeve
In echte vrijheid weurt aon elke naoste gegeeve
In echte vrijheid weurt elk gehoerzame vergeete
Door de wereld vaan de Machte is de echte vrijheid gesjreeve
In d'n tied vaan noe weure al die knechte en hun slaove
vaan dees planeet verdreeve
D'n euvergebleeve mins zal nao echte vrijheid mote streeve
Dèks gesjreeve, dèks verwoord
Dao is nog 'ne lestege, zwoere weeg te goon
Beslissend veur de mins zien wijer bestoon
