Mestreechs Heukske



COMPASSIE

'n Zwoer groet gordijn
Gesjreve door Jef Franssen

Toen 't oonkroed vaan dwinge en gehoerzame
ummertouw fèller ging greuje
vochte väöle 'n verlore gevech mèt hun gewete
In de plaots vaan 't verlore gewete kaom compassie
Mèt compassie wouwe zie hun verlore gewete vervaange
Compassie ging in väöle ziele mins bleuje

't Gevech mèt 't gewete is hun oontgaange

Vrijheid Zelfstandegheid Sjoenegheid is in zier väöle gestorve
Dwinge en gehoerzame heet ziech alle rechte verworve

Compassie en bermhertegheid heet de mins
ummertouw mèt ein verströp
Compassie, 'n zwoer groet gordijn
Mèt compassie kós heer ut 't weitste sjöppe
Achter dat gordijn is väöl verborge
Veur dwinge en gehoerzame 'n groet, stèrk domein

Compassie wèlt de mins altied gebruke
Door compassie kin heer de woerheid good oontduke

Kiek in de natuur

In de natuur zuuste noets compassie, wel bermhertegheid
Bermhertegheid dreug noets 'n vals kleid
't Roufbies, 'n zege veur 'n kraank of ajd verslete bies
De natuur is bermhertegheid noets vergete

Compassie weurt edere daag door 'n groet, machtig minse-riek getoend
Zien agressie heet dat riek same mèt keuning democratie en zien slaove
verborge oonder compassie,
deenend de valse traon, deenend hun valse commercie

Tot op d'n daag vaan vendaog heet ziech compassie good geloend
Hun väöle slaove kóste zie ummertouw riekelek beloene
Compassie zit op 'ne hoege troen

Dwinge en gehoerzame
heet de gruutsegheid en fierheid in de mins ten oonder laote goon
Vrijheid Zelfstandegheid Sjoenegheid
weurt daan neet mie door häöm gedrage
Die deur heet de mins zelf touwgedoon

Gein inkele Mathematische Wèt kin compassie verdrage

In de Wereld vaan Slevenier,
de Goddeleke Wereld de Wereld vaan de Machten,
in edere wereld dee gevoonde heet de “Aleinege Wet”
kin soms zien bermhertegheid meh noets compassie
De weeg nao compassie is de Wereld vaan de Machten noets ingeslage

De Wereld vaan de Machten, de Wereld vaan de Hierarchen zal,
zoonder einege compassie,
euver elke wereld, ouch de minse-wereld oordeile
Door de Wereld vaan de Machten, allein door hun,
weurt in de minse-wereld compassie veur altied verslage

't Book gesjreve door de mins weurt touwgeslage

Plant bies stein en de deenende mins höbbe op de aw eerd
altied vaan compassie mote leve
Ze zien daan ouch neet mie euverindgebleve

De astrein door Slevenier nui gesjaope wereld
zal “ 't Elkander “ mote vinde
Dwinge en gehoerzame maag in dee nuie wereld noets mie oontstoon
't Hart zal veur edere naoste mote opestoon
De weeg nao compassie maag d’n euvergebleeve mins
noets mie insloon

<<   Trök nao d’n Inhaajd

© Jef Franssen 2017
HomeSouvenir ShopNew ArrivalsRLE ictMailboxEnglish SectionGreeting CardsDutch SectionSitemapDonations