Op 'n oonverwach oor, op 'ne oonverwachte daag, in 'n oonverwach jaor
naom Slevenier miech bij de hand
Heer toende miech zien Land !
Dao gins....., dao gins in de veerte zaog iech 't Belaofde Land
't Land, denend eedere naoste
't Land, luusterend nao eedere Mathematisch Wet
't Land, leefhöbbend in fčlheid de aleinege Wet
De weeg nao dat land is aofgeslote door 'n zwoer iezere poort
verzegeld mčt Zien Goddelek Woord
Dee zegel weurd allein verbroke
este diech veur echte, woere Vrijheid
veur echte, woere Zelfstandegheid
en
veur echte, woere Sjoenegheid höbs oetgesproke
Ierlekheid in d'n hart höbs opgeslote
Trots en fierheid neet höbs verlore
Väöle ziele mins zalle dee weeg noets adorere
Väöle, zier väöle kóste 't dwinge en gehoerzame neet aofzwere
De leuge kós good florere
'n Klein, 'n zier klein volk zaog iech dee weeg opgoon
zeukend vechtend um te vinde dat Land
Op dee zeuktoch gebäörde mčt hun allerhand
Al vechtend um te vinde smeide ze 'ne hechte band
Dat klein volk heel stand
Dat klein vechtend volk zaog iech de weeg nao "'t Elkander" insloon
Iech zaog vaan aofstand
dat klein vechtend volk 't Belaofde Land ingoon
Dao gins......, dao gins in de veerte zaog iech 't Land