In dee lange, lange tied dat de mins op dees eerd verbleef
woorte väöle, väöle leevens geleef
Door väöle minserieke gesjiedenis gesjreve
Neet eder riek wouw allein mer op ziene geboortegroond leeve
Mach, riekdom, allein-hiersjappij, ginge sommege rieke naostreve
De gesjiedenis lierde, ze waore door de "zuchten" dao-in gedreve
De gesjiedenis lierde, vaan al die rieke is noets mie get euvergebleve
Vaan zien gesjiedenis heet de mins noets gelierd
Niemes heet de mins oets gekristelierd
De "zuchten" krejde altied victorie
Dat waor boe 't altied weer opoetdrejde
De gesjiedenis vaan noe toent dezelfde geliekenis
'n Groet, machteg riek altied op zeuk nao d'n dòmmestiek
stiechte same mèt keuning democratie 'n nui keuninkriek
Ouch dat groet machteg riek zal 't tij neet kinne kiere
Mie daan zeventeg jaor geleie
woort 'ne groete, versjrikkeleke oorlog aofgeslote
D'n euverwinner vaan toen had al gauw beslote
dat väöl leuges in zien verhaol móste weure vasgegote
Tot op d'n daag vaan vendaog weure zien leuges in iere gehawwe
Ierlekheid en de leuge, niemes kin ze mie oeteinhawwe
Tot op d'n daag vaan vendaog voert d'n euverwinner vaan toen
nog edere daag oorlog op dees eerd
De leuge en zien dwingende mach
weurt noe nog groetser door zien leger slaove geadoreerd
Same mèt keuning democratie kós heer al camouflere
Neet allein de Ierlekheid,
meh ouch
Vrijheid, Zelfstandegheid en Sjoenegheid
zien door dat riek dujelek geblèsseerd
Geine kòs de leuge beter arrangere
In d'n tied vaan noe zien ze hun eige begraffenis aon 't veurbereie
Hunne doed is neet mie te vermije
Vaan de gesjiedenis hadde ze kinne liere
In d'n tied vaan noe zal de wereld vaan "De Machten"
dat riek en zien slaove d'n oorlog verklaore
Dee allerlèste oorlog zal verweustende spore naolaote
De groete vraak vaan de wereld vaan "De Machten"
zal d'n euverwinner vaan toen en zien slaove in fèlheid euverkoume
Ierlekheid, Vrijheid, Zelfstandegheid, Sjoenegheid
heet dat riek noets wèlle bewaore
De leuge kin neet verjaore !
D'n allerlèste oorlog zal keuning democratie neet good bekoume
De "Aleinege Wet" moot eder gesjaopene naokoume
